Lanjal Kamu

Bismillahi wal hamdulillah.
Wassalatu wassalam ala rasuulillah.
Assalamualaikom warahmatullah…

Mga tuan ha page ini lanjal kamu,
Magsarangsukul sin nakatibaw kamu.
Ayaw mangluga’luga sin lalabutan namu,
Like it or Not na in mag-taakin kamu.

Manulay’sulay kita hilabay ta ha daman,
In mga patumtum labi afdal na pa baran.
Pagmartabbat ha aadat ta bangsa pilihan,
Magdaman’daman pusaka sin kamaasan.

Misan da kuman kabtangan maniyu’tiyu,
Daing ha jantung ikhlas pagsauhan natu.
Sagdahun niyu man bang aun wai imamu,
Kamaapan tabiya kaniyu asal mangayu.

Bukun nagpasaula’ula nag-ingat’ingat,
Waiy nagpasaula’ula bat labi-maingat,
Ha mga pandikal wairuun nangliyulakad,
Sumagawa daing kanila miyusu pangirab.

Bang ta biya pikilun matutuud parayaun,
Pila na in khutba nasihat kiyadungugan?
Bang nagtabarru piyasinup pa pangatayan,
Hatiku aun da isab pamaham ta gam da man.

Paham bukun sadja ha pikilan patubtubun,
Ha Laum pangatayan patubuun pagamutun,
Hi lapal iban pag-anggawtaan magpabuntul,
Pamaratsaya sarayawrayaw bukun nahihiyul.

Adapun in kariyasali sin kita manusiya,
Baingluphanun, mag-kasasat, mag-kaligap.
Iyari’arihan in dunya salingkat’lingkat,
Sin iblis liya’nat bat kita mag-ma’siat.

Pa Allah mag-ma’siat iban mag-takabbur,
In pangabi’ngabi hi iblis kita hikugun,
Ha lawm narkah kita hinangun panun.
Hangkan subay daran in pag-patumtum.

Farman sin Allah ha surah Adh-Dhariyat,
“Iban magpatumtum’piyatumtumi (matilusa)”
“Tartantu in patumtum (halhiyuwal agama)”
“Mag-kapunyahan tuud in sila Maparatsaya”

Mahuli bukun tuud sawkat mag-patumtum,
Bat magpatanug bal’ibaadat iban ma’sum.
Sabab sin kasi iban lasa waiyruun piyuhung,
Nag-daman’daman para kaniyu nag-baktul.

In Mahuli, hi sangdul ta pa Nagpapanjari,
Allahu taala in mattan labimaingat makahati.

 
Pahawpua pa tagnaan…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s