Anak, hangkan kita di maghappybirthday…

Anak, hangkan kita di mag-happy birthday,
Maningudsingud subay kita bukun mataukasih.

Umupi bukun maakig subay raisab maghalli,
Product sin usa sah kitaa ba lannang made.

In pantalon, denim, blue jeans, levi’s.
Tamungun basaanan in awal kariasa-lize.

Bukun hinang pakayan hipagsumba barhala,
In maksud hi Levi Strauss naginvent kaniya.

Alhasil sakup sin masalih al mursalah,
Ha pagdunya halal, haram bang tiyugilah.

Adapun in pag-happy birthday ini,
Asal in kamaas-maasan kailu ignorante.

Anak apu naka-iskul nahinang educated,
Aadat sin kaibanan bangsa naka-imitate.

In pag-birthday celebration party,
Pamaratsaya palipalihan in kariyasali.

Aadat pagsumba barhala in kakahinang ini,
Parkala pag-agama sin pagan iban nasrani.

Bang parkala pag-agama sin kaibanan,
Di mapatut upihan sin muslim nag-ngangan.

Misan pa “educated socialite thing” bat “cool”,
Bang hatda kuman “to keep up with the joneses”

In muslim “don’t keep up with the joneses”
Sah ha basic sin Islam subay well informed.

Tarbiyyah pa ahli, Patumtum pa baran.
Pasari na sila madtu mag-baubirthday-han.

“lakum deenukum waliyadin” matarrang,
In banda katu tuan sin ALLAH azza wa jal.

“Lakum deenukum waliyadin” bang hi tarjuman,
In agama mo kaymo in agama ko kaku, (dakuman).

“Lakum deenukum waliyadin”, gudlis ha gi’tungan.
Parkala agama ha antra sin muslim iban kaibanan.

“Lakum deenukum waliyadin”, gudlis ha gi’tungan.
Ha antara sin aadat magsulang iban agama Islam.

Nag-arut biyantug

Ha agama Islam, sambat sin mga kaguruhan,
Subay di’ hipagbantug in ibadat hinang marayaw.

Mahinang riya’ pagpakita’kita’ na dusa dakula,
Bang lumabbaw in pagpakita’kita’ mahinang nifaq.

Misan in Rasul sallallahu alayhi wasallam,
Himanggaw da nagpahalli sin Riya’ ha ummat Islam.

Na bang in hinang ibadat marayaw subay di hipagbantug,
Biyadiin na in hinang ma’shiyat maaslag naka manahut?

Piyapanjarihan kita sin Allah dum tigidlum hipagtapuk,
Sakali piyamahalayak in pagma’siyat ta iban pag-arut.

Hambuuk sabab in manusiya humukaw na magtaubat,
Bang hipagbantug in hinang ma’siyat manahut maaslag.

Kauni kunu’ asin lara samata-mata jurala madtu in nakura,
Na Allah mahatinggi mahakawasa in pag-arut’arutan ta?

Ha Qur’an mahamulliya yari in banda sin Allah:
“Bang hipatumtum kaniya, Kabuga kaw pa Allah.”
“kabantugan arut sin pagma’siyat in gayunggungan niya.”
“In pinarka jahannam hina’bu ha laku’laku niya”
“Salugi’lugi’ sangi’ngi’ paghula’hulaan niya.”
(Qur’an 2:206)

Sumagawa ha agama Islam, In katan magparuntungan,
Amura in lugi in sila duma magpatugasan pa Tuhan.

In katan anak-apu Adam magkasalu magpakahinang dusa,
In sarayaw-rayaw baldusa amun sila magtaubat matilusa.

 

Aadat jaahil

 

party

In   parkala   puting   iban   kajahilan,
bang nabuabul saplag  na ha  kauman,
Pa  raayat   dumagbus   na  kaiinginan,
Sampay mahinang pag-kabiyaksahan.

Parkala  nahinang   na  kabiyaksahan,
Sampay mabilang tayma sin kauman.
In  kaawal niya kajaahilan kalupahan,
Sampay mahinang  na aadat  biunnal.

Kajaahilan  nahinang   aadat  biunnal,
Sabab hambuuk Muslim nag-gugulal,
Nalamugay in jahil iban biatan Islam,
Hingga in biatan Islam kiyalabbawan.

Malaingkan matarrang in agi sin Tuhan,
“Pa  katan’tan   satiyap’tiyap   niyo   sa,”
“Biyaktul   in  sara’  piyasawa   sawasah”
[Qur’an Al-Maidah:48]

Paghalloween hinda pallah panamung arab

joeydeleon

Bang   sawpama   hipangaun’kaun   ta  sadja,
Hi pallah magpakay tamungun saudi arabia,
Biya waiy  ra ngi’  niya  bukun  da  bangsa ta.
Baya’baya’ nila na Pasari na sadja madtu sila.

Waiyra  ngi’  niya  sabab  pangampu arab sadja,
Bukun pangampu siyukat sin agama hibutang ta.
Misan kita di da kaabahan umupi ha panamung nila.
Pantalun low-waist slim-fit ginis-fit na hisu’lug ta ra.

Sumagawa di’  ta  isab kapasaran di inu-inuhun,
Hatiku kiyublaan kita ha gimik  sin  pallah  yaun,
Iban sin parkala iban waktu nila nag-imun’imun,
Matampal hinang shirk sa in paghalloween yaun.

Shirk  na  katan  mayta  isab  yan?  tuan  be  cool.
In  pamaratsaya   nila   pag-halloween  sabbutun,
Daing ha europe biya bangsa celtics bang usulun,
Ha waktu ini kunu in aluwa patay nila magbu’luy.

In lutaw  daing ha dugaing  aalam mari makapaguy,
Katantan  sila,  hayup,  iban  panghiyanum  jilakaun.
Subay kunu ha pangampu biya lutaw mag-patilibun,
In  mga  aluwa  patay  iban  sin  lutaw subay labutun.

In aluwa  patay  iban  lutaw  pag-kugkuyagan  lagguun,
Kabuhianan pamaranan sumambu ha susungun tahun.
Na hangkan  saun  sila mag-halloween sakahaba tahun.
Ha katilingkal  kauman  nila  saplag  in  pagimun’imun.

Saplag in halloween sampay ha kauman sin kiristian,
Di makalang hi  kiristiyan  nag-nanakura ha kauman,
Di mag-paglang bat makabaak kunu atu in  kaawnan,
Sampay kiristiyan limamud mag-halloween imabjan.

Limamud in kiristian maghalloween bat kunu  mapinda,
Bang mga kita kiyapag-ijmaan sin ulama pari’ fatwa nila,
Sa  pad’pad  lutaw  in  lagguun  marayaw  pa  isab awliya,
Aluwa sin awliya nila bat kunu  sila in  samulliya’mulliya.

All souls day nagkalag’kalag na in kiyaawnan nila.
Sa’ in halloween paglaggu ha lutaw waiy ra napinda.
Nag-lamugut gamman in hal sin pag-imun’imun nila.
Maghalloween mag-allsoulsday maglamugay ok ra.

Aun gaus kawasa sah ayaw manglang ha kaibanan,
Manhaj nila “taaud kaw kanila bat kaymu kasaraan”
Bat iyanun ma-addat masakay isab in mga tau yan,
Bat tumaud in tumuku kumusug in agama kiristiyan.

Aadat sin katan kajahilan kawaun nila singuran,
Hi lamud pa kakahinang daing kunu ha simbahan.
Halloween christmas barapa ginisan in kaingatan.
In sunnah daing kan Nabi Isa (as) kailu natigallam.

In pag-addat pag-taaud ha aadat sin kaibanan,
Bukun in mag-atas pikilan hi baran bang ha Islam.
Biya waiy kiyalukis hadith daing ha Nabi kalasahan.
Timaaud siya ha kakahinang aadat jahil sin kaibanan.

Bang in Rasul (saw) ha yahudi timaaud mag-ashura,
Na in ibadat puasa bukun ampa niya kita ha madinah.
Asal na siya masub magpuasa sin ha makkah pa siya,
Sumagawa bang aadat jahil saruunduun pu’puun niya.

In kalalamihan pagsa’buhun tahuntahun sin tau madinah,
Inig giyantian niya (saw) pa eidl fitr iban eidl adha.
Matampal ha Islam di maglamugay in puting iban bunnal.
In aadat hi baran iban bangsa bang siyulak sin Islam
na waiy tuud bulirapat lupahun subay.

Na pag-sakali uno in ngi’ hat badju arab pakayun?
Bang hinda pallah magkajariyanan halloween dainduun.
Misan isab hinda bangsa arab mataud da kajariyanan.
Na di na sadja baha kita maghijjul sah magpatummun?

Bang in kanabihan sin sila kafir waiy piyagaddatan,
Nag-pasad na sadja baha nagpalunggu in Rasul (saw)?
Damikkiyan uno in babausan sin Rasul (saw) limabbaw?
Tartantu kaadilan iban wasat in piyapanaimbabaw.

Na pag-sakali uno in ngi’ hat badju arab pakayun?
Katan arab, muslim? Bukon. katan muslim, arab? bukun.
Katan arab lutaw buhi in addat mangi? damikkiyan bukon.
Di isab kugdanan in hambuuk bangsa katan samuwahun.

Misan aadat sin sila ilmu milikan mataas pangiskul,
In racism ha kawman nila piyagtutuyuan hijjatulun.
Ayaw samuwahun in arab humalli malapay ta in Rasul.
Sari na in biya katu katanaman in levi’s su’lugun,
Sari na in kaibanan arab langgal sara’ dhaalimun.

Kailu isab hinda tuan guru ulama pilihan kalaugan.
In tiyatamung nila yaun pagpakayun pa taas minbar,
Hinda pallah giyura’gura hinang pangabay sin lutaw.
In sakaulaula in tao ha masjid Alharamain biya lutaw.

Bang sila di inu’inuhun adakala in lakulaku hisung,
Bukun na hat panamung in paglamilamihan ha susungun,
Hangkan waiyra isab ngi in maginu’inu kanda pallah,
Bang man isab in sasambagan sin kita di sumubra.

Adakala isab in kakahinang nila mahinang hikma,
Tikduhanan hikapangabi’ngabi hika-da’wah kanila.
Tartantu in Allah labi pandaypandikal daing ha katan.
“Wa yamkuruuna wa yamkurullah wallahu khairul maakirin”

Allahu a’lam…