Darajat

Pagkawasa ra in piyagba’lihan,
Palsukuan kunu sin mga sultan,
“Royal blood” ampun in tubuanan,
Baha’ dugaing dain kan apu Adam?

Mabaya’ katan mahinang sultan,
Tao luzon siya’bitan da gulalan,
Batdaman makatipas palbahagian,
Ha pagkawasa wailumadju pikilan.

Sataastaas madauhat gulalan,
Ha pakaradjaan dunya hi fulan,
President, pm, malik, sultan…
Kawasa darajat kubur in tubtuban.

Sataastaas madauhat gulalan,
Ha kabuhi dunya sin bar-eeman,
Abdullah atawa Abdurrahman,
Darajat paakhirat in kamumpaatan.

Advertisements

The Fate of men

Prophets were labeled insane
Because they speak of the unseen

Writers are labeled intelligent
Because of their creative thinking

Hereafter is bizarre foretelling
Discovery and invention is convincing

The purpose of life is the desire
Only with dust the stomach is filled

The Book details the fate of men
Yet men prefer sci-fi entertainment

Indeed men shall come to know
Surely indeed men shall come to know

Lanab sin dunya

Waiyruun ngih sin pag-dunya bang hijjatulun,
Alhasil yari kita diy naghuhula ha bihayaun.
Malaingkan dunya ini hatda labayan in taliun,
Adlaw akhirat in hulaan kakkal amun susungun.

Sambatanda sin Hambuuk aalim naghimumungan,
Sapantun hambuuk tao miyamanaw ha gulangan,
Piyaglanggal sin hiyahapdi halimaw sambuyan,
In kaagi niya maguy butabisu lumapuddumagan.

Gimam in hanggaw nakabatuk kuppung kiyatapukan,
Pagsakali yaun in has sawa nagtatagad ha bulian,
Simangka in daahit tunggal lubid kiyagunggungan,
In lubid kiyukutkut pa sin puti iban itum ambaw.

Waiyna paguyan kahinapusan na sin ginhawa-baran,
Sa’bu lindurandam nakita ha alupan gula’pussukan,
Lugay timatagadtagad sin ajal gamda kiminamkinam,
Tudlaktudlu’ da in kiyakinaman nalanyap in katan.

In halimaw has iban duwa ambaw sasaat kiyalupahan,
Lanab sin dunya pa manusiya hantang gula’pussukan,
Makalupa kamatay kubur ummul maghahawpu dum-adlaw,
In yakin kabuhi-dunya ini waiypa bayabaya in jangkaan.

Bang tungud akhirat in ha pikilan paghamanhaman,
In “pagkunsum na” di’magkapuwat biyabatbat daran,
Pangatayan giyabun siratal mustakim di’kapatungan,
Piyaruli in sasaat lanab sin dunya sasat shaitan.

In kabuhi-dunya hipu’ sin katitipuhan hi shaitan,
Hangkan in agama Islam pasayuhun kita nasihatan,
Lappasun kita daing ha katigidluman pa kasawahan,
Huwatmalaingkan amura in dumungug in kahidayatan.

Lugi’

Kailu miskin maisigpit  in  hal  pagdunya,
Bang sampay pa laum kubur masigpit da.

Hi dayahan  masanyang  parasahan  sultan,
Bang ha laum kubur wai ngumi’ parasahan.

Pagka  sibu’  da  in dagpakan sin katan,
Bang in manusiya taga akkal marayaw.

Di’ na sa  maunu  lugi’  siya  ha  dunya,
Bang man magparuntungan ha akhira.

In   sangi’sangi   tuud  lugi’  manusiya,
Bukun wai nakauntung kimangi in usaha.

Huwat’huwat mataud na pilak natipun,
Sakali ha mahuli wairuun tuwi ab’abun.