Ha laum kahalubiluhan

Naalunggu’ naapissuku’ nanglalammahan,
Misan   iyunu  sin  atu  wairuun  mahinang.

Susa in kahalan sin raayat muslim kimangi,
Sibu’ da ha hula’ nila sampay  nag-refugee.

Diyuruy’ruy  na   sadja   kailu  madtu-mari,
Hansul-pangatayan kasusahan in bibit’bit.

In kaibanan bahasa ha kaayban sin Islam nagmahi,
Biya ampa na pa kabiyasan pa kahinaan mangdahi.

Bang  piyusat na  sin timbak bomb taas baba’,
Wayna mahinang sa tumapuk pa lungag lupa’.

In  sila tagama timatapuk mapagun  in  paksul,
In mahadjana saw’sagnat tumangkis naahiyul.

Napusat nalarak na kailu  sin bomb in kauman,
In miyaksud bunuun biya’ amura in parasahan.

Makakadtu makapamunu pa bahasa pa mga france,
Hula’  pila  billion  pilak  in  spy  nila  giyagastuhan.

Hikadtu ta pa lupa’ sug sibu da  in  kahantang,
Di kaunun sin akkal sa’ waiyra kita mahinang.

Hi  siyu  na  baha’  in  katuklugan  ta  pagsusunan?
Hinda nakura kaafir atawa taymanghud ha Islam?

Sunnah sin nabi Muhammad (saw) in magpangusihat,
Bang  awun  parkala  pa  puunan kita  madtu  umingat.

Labiluba pa mga sila kiyaatasan  kawasa  humusay,
Sin gumun-buta kahalan pakaradjaan sin kauman.

Ayaw magtukud’tukud bang wairuun pariksa mattan,
Sabab in himumungan tukud’tukud  na puting sayan.

Ala kulli hal, tatkala uno’uno na aramala jimatu,
In yaun  qadar tiyugut  sin Allahu taala  tartantu.

Huwat malaingkan   in  Allah  labi  panday  pandikal,
Labi makahati maingat magpaamu’amu sin kahalan.

Mayta in muslim biya ha laum sadja kabinsanaan?
Uno baha’  in sambung Niya  ha  laum sin  Qur’an?

Ha surah At-Talaq in  aun kabuga  Kaniya jiyanjian,
Jiyanjian kahijjatulan sin uno’uno na pagmasukkal.

“Hi siyu’siyu in sabunnal tuud nag-mamabuga (pa Allah)”
“Hinangan siya (sin Allah) guguwaan (hikalappas kaniya)”

“Iban  iyatasan  siya (sin Allah)   (rizziqi)  tulungtabang”
“Daing ha mga tiranan di’ niya magkatali maimangkan.”

“Hi siyu’siyu  gawgut  in  pangandul  tawakkal  pa  Allah”
“Hina’bu na kaniya tuput in Allah (subhanahu wa taala)”

“Sabunnal tuud madauhat sin Allah in maksurun Niya”
“Ubus na tiyutat sin Allah in katan iban sukuran niya.”

Ha kahawpuan makawa ta ha ayat nasabbut pangadjian,
Bang  kita biyutang  sin  Tuhan  pa  laum kahalubiluhan.

Tartantu  in  kahalubiluhan kimugdan  tungbas sin  kakahinang,
Hangkan ayaw maglawag sin palsababan hituklug  pa  kaibanan.

Asubuhun in baran bang  nagmabuga  da  sabunnal pa Tuhan?
Asubuhun in kahalan sin pag-agama sin muslim ha  kauman?

Sahingga di pabuntulun pakusugun in pag-agama sin muslim katan,
Naalunggu’ naapissuku nanglalammahan wairuun da kita mahinang.

Ti’musun ta  diy ha  hambuuk  salingkat’lingkat  bulansang.
Nasihat sin junjungan Muhammad (saw) kan Ibn Abbas (ra),

“Misan pa tipunun in kusug-kawasa sin manusiya katan,”
“bat dihilan kaw kapunyahan, Di’  nila  ra  kaw  karihilan.”
“Huwatmalaingkan bang in yaun qadar kaymu sin Tuhan.”

“Misan  pa  tipunun  in  kusug-kawasa  sin  manusiya   katan,”
“bat anyayahun nila kaw, Di’da sila makaanyaya kaymu tuan.”
“Huwatmalaingkan bang amuna in qadar mo daing ha Tuhan.”

 

Advertisements

To #ExMuslimBecause

To the #ExMuslimBecause,

I’m sorry for your experience & agony,
I’m sorry for your testimony  &  story,

I feel sorry for you no one was there w/u who cares
to guide & educate you with Islam in a  right  sense.

Or  perhaps  it  is  you  who  really  never  listen.
Or perhaps you were never really a true muslim.

I’m sorry for  all  your  effort  &  none  sense,
You can try harder but you will all be in vain.

Because  your   failure   is   prophesied  &  written,
Think about it, O you who are sophisticated brain.

“They want to extinguish the light of Allah with their mouths,”
“But Allah will perfect His light, Although the disbelievers dislike it.”
[Qur’an 61:8]

#IAmMuslimBecause  You  make your self  as  example,
That makes more clearer to me what the Qur’an claims.

Hihundung in balab’balab

Huun kiyarayaw in magpikil bat  mahusay,
In gumunbuta parakala jimatu ha kauman.

Sa’ bang biya hikataud sadja sin  balab’balab,
Balab’balab sin pikilan wai tantu puun sabab.

Hikataud  sadja sin  puting  daing   ha  kasabunnalan,
Hikaganap gamman sin gumun hikahunit maghusay.

Landu sa makasi-malasa ha junjungan Muhammad (saw),
Na bang bunnal, In  himumungan niya  (saw)   baugbugan.

“Pamung kaw kasabunnalan atawa dumuhungduhung na sadja kaw”

 

Dunya paanayam’nayaman

Ha waktu sin  bata’bata’ magpanayam  sadja in  iisbat,
Pagpanayam da in piyaalbut sampay pa waktu limaas.

Hangkan indaginis barapa panayam’nayam gimuwa’,
Manayam’nayam  sadja  in  katagihan  sin  manusiya.

Ha guwa iban pa laum bay in  pagpanayam wai hupay,
Technology panayam-hapus Sports kunu kalalamihan.

Waira isab ngi’ sin magpakuyag pagpanayam’nayam,
Bang  wai  ra  ma’siyat  iban  di mahinang kaaligapan.

Kaaligapan mahinang  sabab hikalupa ta pa Tuhan,
Iban hikapaghaman’haman himinang sin diyaakan.

Bang limandu na in pagmayn’mayn pagpanayam’nayam,
Tartantu tuud asal   kumangi da  in guwa sin  kakahinang.

Bang  yadtu na  ha  palalihan   nagjajang’ngang,
In subul budjang magcontest magpalingakatan.

Bang yadtu na ha palalihan in banda nag-concert,
In subul budjang landu’ kiyuyagan nalawa’ in ayb.

Nanayam tuud marayaw hi uto’ iban inda’ nag-drugs,
Nanayam tuud marayaw hi uto’ iban inda’  nag’abjan,

Hawa’nafsu piyarul tuud nagkaw’kaginisan, di’ na kaw istorihan.
Laung nila “Mind your own business so what walang pakialaman”

Panayamnayam in sabab ha dunya naligap ha akhirat nalanyap,
Pangatayan nahipu na sin tamak andukailu ha agama  limawak.

Asal kita biyabandaan ha farman sin Allah Ar-Rahman:
“Ingat kamu in kabuhi ha dunya panayam’nayam kakuyagan”
“Hikapilad  iban  kainginan  iban  pagbawbantug’biyantugan”
“Iban  pagtaas’tiyaasi  magpatauran  alta  iban  kaaw’anakan”
[Qur’an 57:20]

Ha  kahinapusan sin ayat biyaytaan kita sin bunnal:
“Iban  in  kabuhi’  ha  dunya  ini   wairuun  kapusan”
“huwatmalaingkan kakukuyagan awun katitipuhan”

Ha dugaing ayat, in banda katu sin Allah di magkapuwat,
“In kabuhi dunya wai’pus huwat’malaingkan panayaman kakuyagan”
“iban makapilad pagmamayn’mainan. Ha akhirat in kakkal paghulaan”
“Labi’afdal pa mga nagmamabuga pa Tuhan. Di ka kamu mamikilan?”
[Qur’an 6:32]

Ayaw ra mapilad sin panayam’nayam dunya pagmayn’mayn,
Manali’tali’ marayaw sin  hal’hiyuwal ta  bat da makapaglayn.

Maglayn daing  ha mangi’ pa marayaw ha  tatkala muslim  naggulal,
Muslim namaugbug sabunnal ha Islam bukun sadja hat kiyanganan.

In nabi Muhammad (saw) junjungan suntuan natu sarayaw’rayaw,
Di magkapuwat  piyataud in  pag-istigfar  pagtaubat  adlaw’adlaw.

Ayaw maghimumungan jural bat bukun kunu rasul hi baran,
Bang bukun rasul in hinangun suntuan, Na hi siyo? shaitan?

 

In kaawam uujjuan sa ha’?

Bang iminglis hi tausug atawa hi bisaya pilipino,
Pag-katawahan   ujjuun  sin   kamatauran  kailu.

Makusug laung niya pa L na mara kita sambiR,
Makusug  kunu  pa I na matugas pa  daing stiil.

Awam mag-inglis pangu’udjuan nahinang kalalamihan,
Sibu’ da hinda  awam kanda pandikal  mag’au’iyudjuan.

Balingkuga magbissara inglis  timanda in kaawam.
Luba’ na bang di makabassa pal’pal na tuud awam.

Sakaula’ula  in  tao  yaun  wairuun  kapus  paiddahan,
Wairuun kapuspaiddahan bang wairuun ilmu milikan.

Malanu’ masawa ha pamaham sin katan manusiya,
In ilmu  dunya  mahalga tuud  ha  kabuhi  sin  kita.

Sumagawa’  diyungdungan  tiyali’  ta  ra baha  tuud  piyaham?
Bang bandingun in uudjuan awam ha anggalis iban ha Islam?

Biyadiin na baha kailu bang  balingkuga magbassa  Qur’an?
Biyaddin na baha bang palpal awam di makabassa Qur’an?

Bang in awam mag-inglis malaggu kasipugan paglamilamihan,
Biyadiin na baha in  kaawam  ha piyag’aagamahan  mo  Islam?

Kaawam ha agama Islam biya’ madtu piyagtuuran in piyag’iyan,
Bukun in hati bat subay guru ulama kita ha agama Islam  katan.

Ayaw magpasad ha kaawam bang pagka-Muslim sin baran in pagbissarahan,
Tuan  tumtumun  in   kasipugan  ha  adlaw  mahuli  ha   hadarat  sin   Tuhan.

Mahunit bang didtu na  ampa kita makatali makapamung pa ginhawa  baran,
Bang ha dunya piyaruli ko marayaw in pag-agama ko waiy nag-awam’awam.

Sifat sin waiy pamaratsaya, In patumtum daing ha Tuhan waiy halga kanila.
Nagbabarud’barud  matugas  takabbur  in  kaawnan  nila   diy   ha  dunya.

Susun nila di hikaibarat ha adlaw akhirat asal piyatampal katu sin Allah,
Pamintangan  sa  laggu’laggu ha mga namamaratsaya,  Diy pa ha dunya.

“Sa’ sila mamung, Bang sadja kami dimungug iban nanali’tali’ marayaw,”
“Bukun kami diy namusa lundang’panun ha laum kayu naglalagablaban.”
[Qur’an 67:10]

Maka’ajaib in maparatsaya

Ha tatkala in  uno’uno  na  jimatu,
Amu yadtu in qadar niya tartantu.

Misan  pa  biyadiin  tuyu  magapply,
Hinang kabayaan di da makapalima.

Misan biyadiin tuyu’ mag’usaha,
Masi’masi kailu miskin  da  kita.

Misan biyadiin tuyu’ mag’kimmit,
Masi’masi ra in  sisiplit  makuhig.

Misan  biyadiin  kaagi ta mag-ayad,
Ampa na in kapanyapan mabagbag.

Misan biyadiin  in baya muwi  hula,
Masi’masi ha abroad da naghuhula.

Misan biyadiin in baya tumutug hula,
Masi’masi in balik kailu pa abroad da.

Misan pa biyadiin in baya’ sumanyang,
Masi’masi ha laum da  kita  kasigpitan.

Misan biyadiin in baya’ kumuyag,
Masi’masi in pangatayan bag’bag.

Misan biyadiin in  baya’  makapag’bay’bay,
Masi’masi kadtumari sa’ kailu mangulatay.

Damikkiyan in lawan  sin di’  kabayaan,
Tartantu qadar da isab daing ha Tuhan.

Hangkan  bat  supaya  di’  maglindu’randam,
Biyulansangan kita sin Nabi (saw) junjungan.

“Maka’ajaib in kahalan sin siya maparatsaya,”
“Katantan  kahalan marayaw  ra  kaniya ha  siya  namaratsaya,”
“Bang karayawan dumatung magsukul siya, karayawan kaniya.”
“Bang kangian dumatung  magsabar siya, labiafdal  da  kaniya.”
[Sahih Muslim]